YouTube Ads Nədir?

YouTube Reklamlarının Növləri Hansılardır?

YouTube reklamlarının bir neçə növü vardır ki, bunlar müxtəlif məqsəd və hədəf auditoriyalarına xidmət edir. Bu növlər arasında qarşımıza ilk çıxan Display Ads – Görüntülü Reklamlardır. Görüntü reklamları masaüstü cihazlarda görünə bilən reklam növləridir. Bir sözlə, display reklamlar YouTube-un rəsmi saytında göstərilən reklam növləridir. Bunu da bilmək lazımdır ki, YouTube-da reklam yerləşdirmək istəyən insanlar və ya şirkətlər reklamların əvvəlcədən müəyyən olan formatlara uyğun tərtib edildiyindən əmin olmalıdırlar.

Digər bir reklam növü isə atlana bilən reklamlardır. İstifadəçilər bu reklamları 5 saniyə izlədikdən sonra “skip” düyməsini basaraq atlama imkanı əldə edirlər. Əlavə olaraq, reklam verənlər yalnız izləyici reklamı 30 saniyə və ya daha çox izlədikdə ödəniş edirlər. Atlana bilməyən reklamlar isə izləyicilər tərəfindən atlanıla bilmir və 15-30 saniyə müddətində göstərilir.

Əlavə olaraq, əgər siz YouTube-da hər hansı bir videoya baxırsınızsa və video dayandırılsa da reklam göstərilirsə, bu o deməkdir ki, siz TrueView reklam nümunəsi ilə qarşılaşacaqsınız. Bu reklamlar da YouTube-da baxdığınız videodan əvvəl, ortada və ya sonra görünür.

YouTube Ads Üstünlükləri Nələrdir?

YouTube reklamlarının bir çox üstünlükləri mövcuddur. Məsələn, YouTube reklamları istifadəçi maraqlarına, demoqrafik vəziyyətlərinə və davranışlarına əsaslanaraq hədəfləmək imkanı təklif edir. Bu yolla brendlər öz reklamlarını ən uyğun auditoriyaya çatdırmaq imkanına sahib olurlar. Digər tərəfdən, reklam verənlər xüsusi YouTube kanallarını hədəf alaraq daha spesifik auditoriyaya da çata bilirlər.

Əlavə olaraq YouTube reklamları digər platformalara nisbətən daha az xərclə geniş auditoriyaya çatmaq imkanı da verir. Buna görə də effektiv youtube reklam xidmətləri ilə xüsusilə kiçik bizneslər üçün əhəmiyyətli bir üstünlük təmin edilməsi mümkündür. Bundan əlavə, YouTube reklamları ilə kampaniya performansını ətraflı təhlil etmək də mümkündür. Kampaniyaların effektivliyi baxış dərəcələri, qarşılıqlı əlaqə və dönüşüm nisbətləri kimi məlumatlar ilə ölçülə bilir.

YouTube reklamları ilə reklam verənlər hansı növ reklamları (məsələn, video reklamlar və ya banner reklamları) və həmin reklamları nə vaxt göstərəcəklərini də seçə bilərlər. Bu çox yönlülük kimi xüsusiyyətlərin üstünlükləri kampaniyaları daha effektiv idarə etməyə də imkan verir. Son olaraq, YouTube reklamlarının bəlkə də ən mühüm üstünlüyü odur ki, hər ay milyardlarla istifadəçiyə ev sahibliyi edən platforma brend tanınırlığının artırılmasında çox vacib bir vasitə olaraq önə çıxmaqdadır.

YouTube Ads Mənfi Cəhətləri Nələrdir?

Bu reklamların avantajları qədər bəzi dezavantajları da mövcuddur. Bunlardan ilki atlana bilən reklamların mövcudluğudur. Bir çox YouTube reklamları istifadəçilərin 5 saniyədən sonra keçə biləcəyi “skippable” formatda təqdim olunur və bunların keçilməsi istifadəçiləri cəlb edə bilməyən və ya effektiv şəkildə çatdırılmayan reklam mesajlarının itirilməsi ilə nəticələnir. Reklamın ilk bir neçə saniyəsində cəlbedici məzmun təqdim edilməzsə, izləyicilər reklamın effektivliyini azaldaraq onu atlaya bilirlər. Bunun üçün də yaxşı hazırlanmış reklam kampaniyası seçiminin əhəmiyyəti böyükdür.

Əlavə olaraq, YouTube-da reklam yayımlamaq üçün yaradılan məzmun Google Reklamları və YouTube siyasətlərinə uyğun olaraq təsdiqlənməlidir. Bu proses adətən bir iş günü çəksə də, bəzi hallarda bir neçə gün belə çəkə bilər. Təsdiqlənməmiş reklamlar isə Youtube tərəfindən dərc edilmir, bu da reklamçıların vaxt itirməsinə səbəb ola bilir.

Youtube Reklamları Xidməti Necə Baş Tutur?

YouTube reklam xidmətimiz brendlərin hədəf auditoriyasına çatmasını təmin etmək üçün müxtəlif strategiya və üsullardan istifadə edilməklə effektiv şəkildə yaradılmışdır. Bunun üçün ilk olaraq qarşılıqlı müzakirələrlə brendiniz və hədəf kütləniz üçün ən doğru reklam növü seçilməsi prosesi həyata keçirilir. Daha sonra, müştərilərinizin bütün göstəriciləri nəzərə alınaraq hədəf kütlənizin müəyyənləşdirilməsi prosesi başlayır.

Reklamların yerləşdirilməsi hissəsində isə əgər mövcud deyilsə, Google Ads hesabının yaradılması da tərəfimizdən həyata keçirilməkdədir. Daha sonra reklam büdcəsi və digər texniki göstəricilər nəzərə alınaraq reklamların yerləşdirilməsi addımı tamamlanır. Reklam dərc edildikdən sonra şirkətimiz performans monitorinq alətlərindən istifadə edərək reklamın effektivliyini də hər aspekti ilə qiymətləndirməkdədir. İzləyicilərlə qarşılıqlı əlaqə, klik nisbətləri və dönüşüm nisbətləri kimi göstəricilər tərəfimizdən diqqətlə təhlil edilir.